Afat Ngumpulke Bondo

Ngerti yo kito dulur sedoyo
Afat ngumpulke bondo dunyo
Iku kabehe limang perkoro
Kang ingsya Alloh bakal ditrang-no

Siji ndadekke inane diri
Ugo rekoso ono pribadi
Yen kito mati ora ngopeni/ni’mati
Malah kluargo podo ni’mati

Loro nglalekke eling kang kuoso
Sebab ngumpulke bondone dunyo
Telu keweden ilange bondo
Dicolong maling kanthi dipekso

Papat dewe’e bakal ngalami
Jeneng wong bakhil ono pribadi
Limo misahi wong kang do soleh
Mergo ngumpulke bondo keweleh

Nanging yen kito gelem nggunakno
Bandane kito dalan utomo
Bakale oleh limang perkoro
Tegese sifat-sifat utomo

Siji ngenakke marang awake
Ora rekoso nggolek bandane
Lorone kito dadi nduweni
Wektu kang kanggo eling ilahi

Telune kito ora nduweni
Roso kuwatir utowo wedi
Saking anane nyolonge maling
Utomo rampok kang ra do eling

Papat pribadi kito sedoyo
Bakal merkoleh jeneng utomo
Yo iku karim tegese lomo
Ra pelit nanjaake ing bondo

Limane kito biso ngumpuli
Wong kang do soleh perlune ngaji
Mergo awake kito sedoyo
Ora ketungkul ngumpulke bondo

Dikutip dari:

Buku “Kumpulan Syair dan Sholawat An Najach”, Li Abi Muhammad Abdul Mu’thi Muhdi, Juz 2, Halaman 29

Pondok Pesantren Putra Putri “An Najach”
Koripan, Dawung, Tegalrejo, Magelang, Jawa Tengah, 56192

www.000webhost.com