Amar Maruf Nahi Mungkar

Sedulur Islam monggo kito belajar
Kanggo bekal amar ma’ruf nahi mungkar

Ngajak-ajak nyang masjid utowo langgar
Supoyo agomo Islam tambah syiar

Nglakoni amar ma’ruf nahi mungkar
Ora khusus ono podium lan mimbar

Ono ngendi wae asal kanti sabar
Niat kanti ikhlas bakale den ganjar

Kewajiban kito ono saben dino
Ngelakoni dateng prentah agomo

Ngajak bagus nyegah mungkar ojo leno
Mbesuk uripe supoyo ora tuno

Ono Al Qur’an Gusti Alloh ndawuhke
Kito supoyo ngajak marang dalane

Kanti bijaksana tutur kang nyenengke
Rembugan kang luwih penah lan nglega’ke

Perjuangan akeh banget mungguh dalane
Tapi namung siji mungguh tujuane

Negak’ke agomo ono ing ndunyane
Supoyo bahagio ono ing akherate

Ngajak-ajak ing perkoro kebagusan
Ngedohi maring perkoro kemungkaran

Iku wis ketutur ono ing Al Qur’an
sopo wonge nglakoni oleh ganjaran

Isih enom berjuang karo tenogone
Wong kang sugih berjuang kelawan bandane

Wong ‘alim berjuang kelawan ngilmune
Sampun sampun disuwun donga pujine

Pengalaman kang luwih diutama’ke
Katimbang mung omong kosong ono lambe

Pramilo monggo sedoyo ngamalake
Mugo-mugo Alloh paring ganjarane

Dikutip dari:

Buku “Kumpulan Syair dan Sholawat An Najach”, Li Abi Muhammad Abdul Mu’thi Muhdi, Juz 1, Halaman 61

Pondok Pesantren Putra Putri “An Najach”
Koripan, Dawung, Tegalrejo, Magelang, Jawa Tengah, 56192

www.000webhost.com