Anak Bojo Musuh Iro

Bakal ono anak bojo iku dadi
Musuh iro mulo podo ngati-ati

Sebab ninggal nglakoni ngamal baguse
Lan ketungkul nuruti howo nafsune

Wong wadon kang nglara’ke ati garwane
Nganggo lesan iku mbesuk bakale

Ilate bakal digunting Pengerane
Mulo ayo podo tho’at dewe-dewe

Sopo wonge arep kepenak atine
Ora ngelak naliko pecat nyawane

Slamet saking syetan tegese godane
Tetep nggowo iman mantep ing atine

Mulo mulya’no sadi Rojab kang mulyo
Kanti ngakehke poso nggetuni doso

Ugo dzikir ing Alloh nggetuni doso
Bakal mlebu suargo kanti sentoso

Sopo wonge ngamal bagus sa’ambalan
Alloh mbales tikel sepuluh ambalan

Ing Rojab tikel pitung puluh ambalan
Ing Sa’ban tikel pitung atus ambalan

Dikutip dari:

Buku “Kumpulan Syair dan Sholawat An Najach”, Li Abi Muhammad Abdul Mu’thi Muhdi, Juz 1, Halaman 42

Pondok Pesantren Putra Putri “An Najach”
Koripan, Dawung, Tegalrejo, Magelang, Jawa Tengah, 56192

www.000webhost.com