Ayo Sregep Ngaji

Mlaku-mlaku menyang alun-alun
Numpak sepur menyang stasiun

Bapak Ibu meniko pantun
kanggo menghibur ati sing nglamun

Wetan gunung kulon gunung
Tengah tengah ono segoro

Ijih urip ojo bingung-bingung
Prentahe Alloh ndang lakonono

Zaman akhir bumine goyang
Bumi goyang arane lindu

Ayo kabeh sregep sembahyang
Ora sembahyang bakal dibendu

Ngethok glugu cacahe siji
Kanggo ngganti cagak sing amoh

Bapak Ibu ayo sregep ngaji
Supoyo ngerti prentahe Alloh

Kayu waru digraji-graji
Kayu nongko dienggo lemari

Dasar ayu kok pinter ngaji
Akeh joko sing arep ngrabi

Kayu nongko digraji-graji
Dienggo lawang karo lemari

Dasar joko kok pinter ngaji
Akeh prawan sing podo ngantri

Dikutip dari:

Buku “Kumpulan Syair dan Sholawat An Najach”, Li Abi Muhammad Abdul Mu’thi Muhdi, Juz 1, Halaman 46

Pondok Pesantren Putra Putri “An Najach”
Koripan, Dawung, Tegalrejo, Magelang, Jawa Tengah, 56192

www.000webhost.com