Faidah Berpikir

Pemikiran tegese gelem mikirke
Iku akehe ono limang wernane
kang endi ora ono ngibadah koyo
Gelem mikir-mikir kuasane Kang Kuoso

Ngertiyo berfikir iku biso dadi
Perkoro kang madangake maring ati
Berfikir sak jam luwih bagus anane
Katimbang ngibadah sewidak tahune

Berfikir ing edi peni makhluke
Gusti Alloh dzat ingkang agawe
Iku biso ngasilake maring tauhid
Keyakinan ing Gusti Alloh kang Wahid

Mikirake ni’mat-ni’mat pengerane
Kang u wis diparingake ing makhluke
Iku biso ngasilake kecintaan
Lan bersyukur nggunakke ni’mat pengerane

Berfikir ing ndalem janjine pengeran
Kebagusan kang disiapke pengeran
Kanggo mbales amal baguse makhluke
Iku ngasilke demen ing akhirate

Lan ndadekke demene wong kang do bejo
Gelem mekso awak ngamal kang utomo
Lan ra males nindakke ngamal baguse
Mergo dewe’e ngerti keuntungane

Gelem mikir ing ancamane Alloh
Yakni ukuman kanggu mungsuhe Alloh
Iku biso ngasilake roso wedi
Maring nglanggar aturan-aturan Robbi

Mikirke olehe pepekone dewe
Saking taat angibadah pengerane
Padahal Alloh wis paring keni’matan
Ing pribadine dewe kang ra itungan

Iku ngasilake isin utowo wirang
Lan nambahi roso wedi ing pengeran
Akhire semangat maring mengsyukuri
Ni’mat Gusti Alloh kang Moho Suci

Dikutip dari:

Buku “Kumpulan Syair dan Sholawat An Najach”, Li Abi Muhammad Abdul Mu’thi Muhdi, Juz 2, Halaman 24

Pondok Pesantren Putra Putri “An Najach”
Koripan, Dawung, Tegalrejo, Magelang, Jawa Tengah, 56192

www.000webhost.com