Gusti Nabi

Gusti Nabi sedeng dedeg piyadege
Kanti putih semu abang awernane

Soco lorone mblalak koyo celakan
Ramput idepe soco kethel aturan

Alis lorone koyo nanggal sepisan
Wajane rajin tutuk koyo bengesan

Bathuke mencorong jembar pilingane
Hidung mancung menter-menter ing pipine

Jembar pundake tur kandel ros-rosane
Sithik daginge tungkak kethel jenggote

Agung sirahe kanti panjang rekmane
Temurun tumeko godong teligane

Antarane welikate Gusti Nabi
Ono cape kenabian kang pinuji

Kringete koyo berlian lan gandane
Liwuh wangi katimbang lengo misike

Langkung-langkung tinda’ipun Gusti Nabi
Koyo dene mblarak sempal lambeyane

Sopo wonge salaman wangi tangane
Sehinggo sedino semerbak gandane

Wajah mencorong koyo bulan purnomo
Sopo ngimpi ketemu bakale bejo

Andap asor lan ugo banget isinan
Kerso nyambung sandal lan nembel sandangan

Gusti Nabi lahiripun wonten Mekkah
Dino Isnen tanggal rolas tahun gajah

Ingkang Romo asmane Sayyid Abdulloh
Ingkang Ibu asmane Siti Aminah

Dikutip dari:

Buku “Kumpulan Syair dan Sholawat An Najach”, Li Abi Muhammad Abdul Mu’thi Muhdi, Juz 1, Halaman 35

Pondok Pesantren Putra Putri “An Najach”
Koripan, Dawung, Tegalrejo, Magelang, Jawa Tengah, 56192

www.000webhost.com