Keputusan Alloh

Gusti Nabi Muhammad menungso mungguh arane
Nanging ora koyo menungso mungguh pintere

Gusti Nabi Muhammad iku yaqut umpamane
Poro Nabi kabeh iku emban umpamane

Sopo golek rizqi kok ngongso mesti rusake
Yen ora bandane mesti rusak agamane

Rizqine diumpamakno koyo bayangane
Yen diburu mlayu yen ditinggal ngetotake

Mulo yen golek rizqi sing alon-alon wae
Wajibe usaha Gusti Alloh kang nentokke

Lamon Alloh ngersakke ndadeake makhluke
Dadi siji agamane mesthi biso wae

Nanging mengkono iku ora dikersaake
Mulo podo banjur pasulayan dewe-dewe

Menungso tansah pasulayan ing agamane
Kejobo wong kang oleh rohmate Pengerane

Ora bakal pasulayan kang oleh rohmate
Kang mengkono iku wis dadi keputusane

Dikutip dari:

Buku “Kumpulan Syair dan Sholawat An Najach”, Li Abi Muhammad Abdul Mu’thi Muhdi, Juz 2, Halaman 21

Pondok Pesantren Putra Putri “An Najach”
Koripan, Dawung, Tegalrejo, Magelang, Jawa Tengah, 56192

www.000webhost.com