Kito Kabeh Kudu Eling

Poro sedulurku Islam jaler estri
Ayo nggolek ngilmu ingkang wigati

Ngilmu agomo kanggo sangune mati
Sowan maring ngersane Kang Moho Suci

Eling eling kito kabeh kudu eling
Kanjeng Nabi sampun pesen sampun meling

Podo cekelono dadiyo pepeling
Dadi wong Islam waji ngaji jo mbeling

Wong kang akeh ngamal bagus ing ndunyane
Mbesuk bakale suargo balesane

Papan panggonan kang sarwo ngepenak’ke
Panganan kang enak-enak disuguhke

Soho widodari ingkang ayu-ayu
Podo mapag karo mesem ngguyu-ngguyu

Podo nggandeng ngrangkul lan ngrayu-ngrayu
Marang poro bapak ibu kangmas mbak yu

Mature sampun dangu kulo ngentosi
Kerawuhan panjenengan dateng mriki

Kasur lan bantal sampun kulo cawisi
Yen ngajak turu bareng kulo turuti

Mendah banget senenge banget ayeme
Bejane wong kang akeh ngamal baguse

Widodari kang ayu dadi bojone
Yeng ngladeni sarwo penak lan nglegak’ke

Podo guyonan koyo penganten anyar
Isih sore wis ngajak mlebu ing kamar

Lawang ditutup banjur mateni damar
Turu bareng tumeko metune fajar

Cekap semanten atur saking kawulo
Menawi lepat kulo nyuwun ngapuro

Mugi Gusti Alloh ingkang Moho Mulyo
Ngapuro sedoyo doso kito

Dikutip dari:

Buku “Kumpulan Syair dan Sholawat An Najach”, Li Abi Muhammad Abdul Mu’thi Muhdi, Juz 1, Halaman 51

Pondok Pesantren Putra Putri “An Najach”
Koripan, Dawung, Tegalrejo, Magelang, Jawa Tengah, 56192

www.000webhost.com