Moco Sholawat

Moco sholawat iku hukume sunat
Opo maneh naliko ing dino Jum’at

Gusti Nabi bakale paring syafa’at
Paring syafa’at ono ing dino qiyamat

Katimbang omong-omong sing tanpo guno
Opo to ora ejih luwih utomo

Moco sholawat kanti ngakeh ke dongo
Nyuwun dateng Alloh Kang Moho Kuwoso

Lamun arepe ndungo moco sholawat
Olehe ndongo kanti khusu’ lan tho’at

Gusti Alloh ugo nurunake rohmat
Rupo ganjaran ingkang berlipat-lipat

Generasi muda-mudi mempengo ngaji
Ugo moco sholawat ing Gusti Nabi

Supoyo mbesuk ono ing tembe mburi
Biso dadi menungso ingkang terpuji

Mulo ayo kabeh wae do semangat
Ngokeh-okehke dongo salam lan rohmat

Dateng Gusti Nabi pemimpin ummat
Supoyo bejo ono ndunyo akherat

Mugi-mugi Gusti Alloh ngijabahi
Dateng penyuwun kito rino lan wengi

Ngamal maslahat ngilmu kang manfa’ati
Ngilmu sing keno kanggo sangune mati

Sangune mati iku dudu bondo dunyo
Dudu duwit mas perak lan rojo brono

Tapi ngamal sholeh ngilmu kang berguno
Sangu sowan dateng Alloh Kang Kuwoso

Dikutip dari:

Buku “Kumpulan Syair dan Sholawat An Najach”, Li Abi Muhammad Abdul Mu’thi Muhdi, Juz 1, Halaman 56

Pondok Pesantren Putra Putri “An Najach”
Koripan, Dawung, Tegalrejo, Magelang, Jawa Tengah, 56192

www.000webhost.com