Monggo Kito Sami Berjamaah Sholat

Poro sedulur kaum muslimin muslimat
Monggo kito sami berjama’ah sholat

Mergo ganjarane pitu likur derajat
Mulo ayo do tandang kanti semangat

Sholat fardu dadi kewajiban kito
Tumrap poro kaum priyo lan wanito

Ojo ngasi ninggalke kanti disengojo/disejo
Tanpo ono ngudzur syara’ kang wis nyoto

Sholat iku dadi cagake agomo
Mulo do lakoni ojo do sembrono

Ngibadah liyo-liyone gak sempurno
Lamun sholat fardune gak ditindakno

Sopo ninggalke sholat fardu kang limo
Berarti wong iku ngrubuhke agomo

Kang aran wong kang negak’ke ing agomo
Wong kang nglakoni sholat kanti sampurno

Sopo wonge ngilmu sholat durung ngerti
Kudu enggal belajar kanti setiti

Ngibadahmu tanpo aji tanpo arti
Lamun marang ngilmune siro gak ngerti

Mulo ayo kito podo mulangake
Dateng putro putri sedoyo nindak’ke

Kanti anetepi syarat lan rukune
Fatehahe tahiyate sa’apike

Supoyo dadi wong kang ahli ngibadah
Ngerti agomo biso ngamal sholihah

Taat prentah agomo ngedohi cegah
Yen dituturi wong tuwo ora mbantah

Cekap semanten atur saking kawulo
Sedoyo kelepatan nyuwun ngapuro

Mugi Alloh paring ngilmu dateng kito
Ingkang maslahah barokah lan berguno

Dikutip dari:

Buku “Kumpulan Syair dan Sholawat An Najach”, Li Abi Muhammad Abdul Mu’thi Muhdi, Juz 1, Halaman 63

Pondok Pesantren Putra Putri “An Najach”
Koripan, Dawung, Tegalrejo, Magelang, Jawa Tengah, 56192

www.000webhost.com