Monggo Muji Lan Syukur

Alhamdulillah monggo muji lan syukur
Dateng ngersane Alloh kang Moho Luhur

Ngamal ngibadah poso kito wis mungkur
Kito saged nglampahi tanpo ngudzur

Kito saged sholat kanti berjama’ah
Saged poso jangkep ugi zakat fitrah

Mugi Alloh kang kagungan sifat Murah
Nerimo dateng sedoyo ngamal ibadah

Dulur muslim ojo ngasi ketinggalan
Iku zamane wis zaman kemajuan

Ati podo di isi taqwo lan iman
Ojo ngasi keno pengaruhe syetan

Nopo malih pendidikan dateng putro
Monggo ditingkatke ojo ngasi sudo

Pendidikan ngilmu umum lan agomo
Ingkang saged mbuahke budi utomo

Ono paribasan Jowo sing nembungke
Kacang mrambat manut maring lanjarane

Putro apik utowo ala tingkahe
Tergantung maring wong tuwo sing ngarahke

Saben menungso iku lamun wis mati
Sekabehe ngamal putus tanpo arti

Anging ngamal lan ngilmu kang manfangati
Dongane anak sholeh nduwe pakerti

Mugo-mugo Gusti Alloh ngijabahi
Dateng panyuwunan kito rino lan wengi

Paring ngamal lan ngilmu kang manfangati
Keno kanggo sangu mbesuk yen wis mati

Dikutip dari:

Buku “Kumpulan Syair dan Sholawat An Najach”, Li Abi Muhammad Abdul Mu’thi Muhdi, Juz 1, Halaman 58

Pondok Pesantren Putra Putri “An Najach”
Koripan, Dawung, Tegalrejo, Magelang, Jawa Tengah, 56192

www.000webhost.com