Ngrekso Sholat Lan Faedahe

Sopo wonge kang ngrekso limang sholate
Yo iku limang sholat kang difardlokke
Kanthi nglakoni syarat rukun adabe
Dilakoni ono sak njerone wektune

Mongko sholate bakal kanggo deweke
Dadi cahaya lan dalil kang njelaske
Maring deweke sopo toh sejatine
Ugo keslametan mbesok qiyamate

Nanging wong kang ora ngrekso ing sholate
Mongko sholate ra dadi cahayane
Ugo ra dadi dalil kang jelasake
Lan ra bakal nylametke ing qiyamate

Ugo deweke mbesok ing qiyamate
Dikumpulno bareng Fir’aun bareng Qorun
Bareng Ubayyi bin Kholaf bareng Haman
Mulo waspodoho bene kito aman

Ngertiyo ing ndalem sholat iku ono
Sepuluh tingkah kang bakal diterango
Siji dadi pepaes ono ing rahi
Loro dadi cahaya ono ing ati

Mulo sopo wonge pengin amandangi
Maring atine deweke kang diuji
Mongko pada ngono atine deweke
Kanthi nglakoni maring limang sholate

Telune ndadekke kepenak awake
Mergo pancene sgolat dadi tambane
Koyo kang wis diterangke ing Nabine
Yen sholat iku pancen dadi tambane

Papate ndadekke biso ngasilake
Katenangan katentreman ing kubure
Limone dadi nggon mudune rohmate
Gusti Alloh kang luas kerohmatane

Eneme iku dadi kunci langite
Tegese kanggo mbukak pintu rohmate
Pitu ngabotake maring timbangane
ngamal baguse wong kang ngrekso sholate

Wolune iku dadi rego suargo
Tegese kanggo mbayar mlebu suargo
Opo ora pengin mlebu ing suargo
Kang enakke ra biso dikoyo-koyo

Songone dadi penghalang nerakane
Berarti deweke ra mlebu nerakane
Supuluh ndadekno ridlo pengerane
Mulo kito ayoh podo nggateake

Dikutip dari:

Buku “Kumpulan Syair dan Sholawat An Najach”, Li Abi Muhammad Abdul Mu’thi Muhdi, Juz 2, Halaman 34

Pondok Pesantren Putra Putri “An Najach”
Koripan, Dawung, Tegalrejo, Magelang, Jawa Tengah, 56192

www.000webhost.com