Pemimpin Masyarakat

Mergawea kanggo ngaji lan ngibadah
Aja ngongso golek duwit mundak salah

Kabeh rizqi wis dicetak Kang Kuwoso
Luwih kurang saking pesti ora biso

Wong kang nyekel laku bagus agamane
Koyo dene nggengem mowo ing tangane

Polah rakyat koyo gabah diinteri
Podo bingung nyambut gawe golek rizqi

Wong khiyanat dipercoyo sa’walike
Wong kang temen ora kanggo ing dewe’e

Wong kang gede ora welas ing wong cilik
Wong kang bodo podo gawe ancik-ancik

Ojo dumeh wis do ‘alim lan do pinter
Akeh wae wong kang pinter do keblinger

Ahli masyarakat ditarik duwite
Ora liyo kanggo mbayar pidatone

Kaprah gabus podo ngambang ing banyune
Watu item nyilep iku sa’mestine

Nanging bakal ono gabus podo kelem
Watu item dikon nyilem ora gelem

Anak bebek podo nglangi ing banyune
Nanging ngorong arep pedhot tenggoroke

Endok cecak podo netes dadi macan
Anak macan dadi ulo do kluyuran

Dikutip dari:

Buku “Kumpulan Syair dan Sholawat An Najach”, Li Abi Muhammad Abdul Mu’thi Muhdi, Juz 1, Halaman 13

Pondok Pesantren Putra Putri “An Najach”
Koripan, Dawung, Tegalrejo, Magelang, Jawa Tengah, 56192

www.000webhost.com