Peristiwa Isro Miroj

Peristiwa isro’ mi’roj Gusti Nabi
Tanggal pitu likur Rojab wayan mbengi

Saking kuasane Alloh lan kersane
Ora saking kersane Nabine dewe

Hasile isro’ mi’roj iku mengkene
Ngasto sholat limang wektu mbendinane

Kito sami sampun ninda’ke sholate
Mugi di trimo Gusti Alloh skabehe

Wong wadon kang gelem sholat limang wektune
Poso romadlon lan ngrekso ing barange

Lan ugo gelem tho’at maring garwane
Mlebu surgo milih lawang sa’karepe

Wong wadon kang gelem ngladeni ing garwane
Genep pitung ndina saking wilangane

Di koncini kabeh lawang nerakane
Di buka’i kabeh lawang suargane

Wong wadon kang gelem ngumbahi sandangane
Kagungane sang garwo koyo klambine

Ditulis sewu saking kebagusane
Dingapuro rong ewu keluputane

Endi wong wadon kang lagi nggarapsari
Kang rasane prungsang senep roso nyeri

Boyok pegel weteng senep roso nyeri
Jebule iku malah nglebur dosane

Dikutip dari:

Buku “Kumpulan Syair dan Sholawat An Najach”, Li Abi Muhammad Abdul Mu’thi Muhdi, Juz 1, Halaman 28

Pondok Pesantren Putra Putri “An Najach”
Koripan, Dawung, Tegalrejo, Magelang, Jawa Tengah, 56192

www.000webhost.com