Perkoro Kang Luweh Njengkelke

Sepuluh perkoro luweh njengkelke
Ing gusti Alloh kang dadi pengerane
Naliko anane sepuluh perkoro
Dilakoni dening sepuluh manungso

Siji kemeditane wong sugih bondo
Loro keso mbongane wong kere bondo
Telu thoma’ ngarep-ngarep bondo liyo
Kang dilakoni dening poro ‘ulomo

Papat sithik isine poro wanito
Limo seneng dunyo dening wong-wong tuwo
Kang wis mambu lemab mambu umah guwo
Coro gampange nurut bahasa jowo

Enem kemalesane poro pemuda
Ing dalem olehe ngamal lan bekerjo
Pitu penyelewengane poro pemimpin
Penguasa pejabat pemerintahan

Wolu jerih kang dilakoni wong perang
Tegese ora wani tumandang perang
Songo ngujub tegese mbanggakke diri
Ing dalem ngamal dening poro Zahhudi

Sepuluhe riya’ ateges mamerke
Ngamal-ngamal bagus maring wong liyane
Kang dilakoni dening ahli ngibadah
Mulo ngerti yo ben siro ora salah

Dikutip dari:

Buku “Kumpulan Syair dan Sholawat An Najach”, Li Abi Muhammad Abdul Mu’thi Muhdi, Juz 2, Halaman 19

Pondok Pesantren Putra Putri “An Najach”
Koripan, Dawung, Tegalrejo, Magelang, Jawa Tengah, 56192

www.000webhost.com