Sedoyo Niat Ngaji

Poro bapak poro ibu jaler estri
Poro kangmas mbak yu kang kulo hormati

Sumonggo kito sedoyo niat ngaji
Perlu murih dateng ridlone ilahi

Gusti Kanjeng Nabi Muhammad ndawuhke
Bilih luru ngilmu iku diferdo’ke

Tumrape wong Islam lanang lan wadone
Awit isih cilik tumeko matine

Mulo dulur Islam ayo mempeng ngaji
Perlu murih ngilmu agomo kang aji

Marang poro bapak guru lan kyai
Supoyo uripe ora bakal rugi

Mempeng ngaji lan nyedak poro ngulama’
Sebab ngulama’ iku waris ambiyaa

Poro kyai kabeh wis podo ngajak
Mbagusi akhlak sing uwis podo rusak

Dikutip dari:

Buku “Kumpulan Syair dan Sholawat An Najach”, Li Abi Muhammad Abdul Mu’thi Muhdi, Juz 1, Halaman 64

Pondok Pesantren Putra Putri “An Najach”
Koripan, Dawung, Tegalrejo, Magelang, Jawa Tengah, 56192

www.000webhost.com