Sifat Khususe Gusti Nabi

Khusus tumrap gusti Nabi sangang werno ojo lali
Nomer siji ora tau ngimpi resmen karo putri

Nomer loro ora angop sak lawase onong dunyo
Lamun siro nuju angop tangan nutup ojo leno

Kanthi nyuwun dipunrekso mocoho a’udzubillah
Supayane siro iku tumindake ora salah

Nomer telu laler ora tau mencok ing badane
Sebab kulit mencorong alus koyo ono lengane

Nomer papat preso mburi koyo preso ing ngarepe
Nomer limo nuju turas ora teles ing bumine

Nomer enem gusti Nabi ora sare penggalihe
Dene netro kalehipun ngantuk ati ora sare

Nomer pitu gusti Nabi ora ketok layangane
Nomer welu yen lungguhan ora kungkulan pundake

Nomer songo gusti Nabi wis supitan trisulane
Sopo apal Alloh njogo ing awake lan bandane

Saking kobong saking maling saking cobo werno-werno
Mulo santri do ngapalno rino wengi ojo leno

Dikutip dari:

Buku “Kumpulan Syair dan Sholawat An Najach”, Li Abi Muhammad Abdul Mu’thi Muhdi, Juz 1, Halaman 8

Pondok Pesantren Putra Putri “An Najach”
Koripan, Dawung, Tegalrejo, Magelang, Jawa Tengah, 56192

www.000webhost.com