Tangi Saking Kubur

Umat Muhammad naliko tangi saking kubure rolas wernane
Siji ra ono tangan sikile sebab cok nglaraake tanggane

Nomer lorone celeng rupane sebab nggegampang maring sholate
Telu weteng sa’gunung gedhene mergo ra ngeto’ke ing zakate

Papat tutuke metu getihe sebab cok goroh dol tinukune
Nomer limane badeg gandane mergo nyamarke ing durakane

Eneme grumpung printhil gitoke sebab nekseni goroh omonge
Mugi-mugio kang ahli ngaji ing omong goroh ra do nekseni

Pitune ora ono lesane tutuk mili nanah lan getihe
Mergo ora gelem nekseni ing perkoro kang mesti benere

Wolune jungkir walik sirahe sebab naliko ono ndunyane
Nglakoni zino banjur akhire mati tanpo nglakoni tobate

Songo rahine ireng rupane matane biru gede wetenge
Kebak geni saking nrakane sebab cok mangan bondo yatime

Sepuluh kebak belang buduke sebab ing dunyo tukang nglara’ke
Bapak ibune dilara’ake akhire anak mlebu nrakane

Sewelas wuto moto atine untune koyo sungu sapine
Lambene ndomble ilate mele mergo ing dunyo minum arake

Rolas wajahe wulan purnomo mergo ngamale tansah prayogo
Ngrekso ing sholat limang wektune nyegah duroko tobat matine

Dikutip dari:

Buku “Kumpulan Syair dan Sholawat An Najach”, Li Abi Muhammad Abdul Mu’thi Muhdi, Juz 1, Halaman 9

Pondok Pesantren Putra Putri “An Najach”
Koripan, Dawung, Tegalrejo, Magelang, Jawa Tengah, 56192

www.000webhost.com