Wulan Rojab Ingkang Mulyo

Poro bapak ibu hadirin sedoyo
Ingkang sampun dumugi karoyo-royo

Sami serempak kanti saged ngupoyo
Meringati wulan Rojab ingkang mulyo

Wulan isro’ mi’roj ipun Gusti Nabi
Ingkang ditindak’ke wonten wedal mbengi

Atas kersane Alloh kang moho suci
Alloh ngutus Jibril supoyo mbarengi

Isro’ iku Gusti Nabi di tindak’ke
Soko Masjidil Harom awit berangkate

Dumugi Masjidil Aqso pungkasane
Gusti Alloh nuduhke kekuasaane

Mi’roj iku Gusti Nabi di unggahake
Sko Masjidil Aqso papan panggonane

Munggah menyang langit sap pitu tekane
Sidrotil Muntaha papan pungkasane

Gusti Nabi ono ing perjalanane
Diweruhi pirang-pirang perlambange

Pirang-pirang perkoro kang nggumunake
Kang bakal dilakoni poro umate

Peristiwa Isro’ Mi’roj sampun nyoto
Tumrap kito sedoyo kudu percoyo

Sebab ngakal kito ora tumeko
Lamun mikir lan mbayangke koyo ngopo

Hayawan Buroq yo iku tumpakane
Kang koyo cemlerete kilat lakune

Nabi nerimo dawuh songko Pengerane
Sholat limang wektu kudu ditindak’ke

Mulo monggo bapak lan ibu muslimat
Poro sedulur Islam anshor fatayaat

Sami berjama’ah anglampahi sholat
Mergi ganjarane pitu likur derajat

Dikutip dari:

Buku “Kumpulan Syair dan Sholawat An Najach”, Li Abi Muhammad Abdul Mu’thi Muhdi, Juz 1, Halaman 55

Pondok Pesantren Putra Putri “An Najach”
Koripan, Dawung, Tegalrejo, Magelang, Jawa Tengah, 56192

www.000webhost.com